Barski ribari su na pučini u petak ujutro ulovili morskog psa dužine 2,17 metara i teškog oko 150 kilograma.
Prema riječima ribara Erse Begzića ajkula je ulovljena na oko 20 milja od barske obale.
“Na dvadestak milja od obale izvlačili smo mrežu koju smo prije par dana bacili u more. Išlo je teško, mislili smo da je koja tuna ili sabljarka, kad ono ajkula”, kazao je ribar portalu “Vijesti”.
Dodao je i da je u borbi ajkula pocijepala i oštetila mrežu i da su je mrtvu izvukli na brod.